नयाँ पर्यटकीय गन्तव्य, तानतिङ गाउँ

काठमाडौँ– ग्रामीण जीवनको अनुभव लिन चाहने पर्यटकका लागि कास्कीको तानतिङ (तोनी नासा) गुरुङ गाउँ उपयुक्त गन्तव्य हो।

पोखराबाट २७ किलोमिटर दूरीमा अवस्थित गाउँ गुरुङ संस्कार र संस्कृतिको अवलोकनका लागि चर्चित छ ।

आँखा अगाडि देखिने लमजुङ र अन्नपूर्ण  हिमालले जो कोहीलाई पनि मन्त्रमुग्ध बनाउँछ। २५० वटा परम्परागत शैलीका घर रहेको तानतिङमा पर्यटकका लागि १४ घरमा सामुदायिक होमस्टे पनि संचालन गरिएको छ ।

स्थानीय रूपमा उत्पादित अर्ग्यानिक खाना, ढिँडो, लोकल कुखुराको मासु, वनबाट टिपिएको निहुरो जस्ता स्वादिष्ट नेपाली खाना खान पाउनु साँच्चै तानतिङ गाँउमा दुर्लभ अनुभव हुनेछ ।

पोखराबाट सार्वजनिक बस, जिप तथा व्यक्तिगत सवारी साधनबाट सजिलै पुग्न सकिने तानतिङ गाँउ शहरको भिडभाड र व्यस्त जीवनबाट केही समय विश्राम र रिफ्रेसमेन्टका लागि धेरैको रोजाइमा पर्ने गरेको छ ।

-उकालो