गहुँ पिस्न गएकी गैरेगाउँकी एक बाढीमा बेपत्ता
सुर्खेत- दैलेखको ठाटीकाँध गाउँपालिका-४ गैरेगाउँकी एक किशोरी बाढीमा बेपत्ता भएकी छिन् । बेपत्ता हुनेमा गैरेगाउँकी १७ वर्षीय उर्मिला कठायत रहेकी छन् ।
बिहीबार उनी गहुँ पिस्न भन्दै घट्ट गएकी थिइन् । राती आएको वर्षाका कारण स्थानीय भुतगाड खोलामा आएको बाढीले उनलाई बगाएको स्थानीय लवराज सिजापतिले बताउनुभयो ।
सिजापतिका अनुसार उनी बिहान ४ बजे घट्ट पिसेर फर्किदै गर्दा खोलाले बगाएर बेपत्ता भएको बताइएको छ । उनको अहिलेसम्म कुनै पत्तो लागेको छैन ।
साथै बिहीबार रातीको बर्षातका कारण गैरगाउँका दुई घरमा समेत क्षति पुगेको छ । सडकका कारण माथिबाट बाढी आएर गैरागाउँका दुई स्थानीयको घरमा क्षति पुर्याएको हो । यद्यपि मानवीय क्षति भने नभएको उहाँले बताउनुभयो ।
गैरागाँउमा पनि बाढीका कारण धेरै खेत बारीहरू पुरेको खबर प्राप्त भएको छ । क्षतिको पूर्ण विवरण भने आउन बाँकी छ ।
प्रतिक्रिया