पालिकामा अस्पताल नहुँदा जिल्ला पुग्न बाध्य

सल्यान– सरकारले हरेक स्थानीय तहमा १५ शैय्याको अस्पताल निर्माण गर्ने घोषणा गरे पनि त्रिवेणी गाउँपालिकाका स्थानीय जिल्ला अस्पताल जान बाध्य छन् । पालिकामा गाउँ अस्पताल नहुँदा स्थानीय डाक्टरसहितको उपचारको लागि २२ किलोमिटर टाढा जिल्ला अस्पताल पुग्न बाध्य भएका हुन् । 

गाउँ अस्पताल निर्माणाधीन अवस्थामा रहेको गाउँपालिकाका स्वास्थ्य शाखाका प्रमुख प्रभात कुमार श्रेष्ठले बताउनुभयो  । ‘गत आर्थिक वर्षबाट गाउँ अस्पताल निर्माण थालिएको हो । यही आर्थिक वर्षमा निर्माण सम्पन्न गर्ने योजना छ,’ उहाँले भन्नुभयो ।

प्रत्येक वडामा स्वास्थ्य केन्द्र भने रहेको उहाँले बताउनुभयो । उहाँका अनुसार प्रत्येक वडामा गरी पालिकामा ६ वटा स्वास्थ्य चौकी छन् । स्वास्थ्य केन्द्रमा आधारभूत औषधिको भने अभाव नरहेको बताउनुभयो ।