चुरेमा एक घर एक टनेल कार्यक्रम लागू

कृषिमा आत्मनिर्भर बन्न एक घर एक टनेल

कैलाली– चुरे गाउँपालिकाले एक घर एक टनेलु कार्यक्रम लागू गर्ने भएको छ । गाउँपालिकाले व्यावसायिक कृषिमा आत्मनिर्भर बनाउनका लागि सो कार्यक्रम सञ्चालन गर्न लागेको हो । 

व्यावसायिक कृषि उत्पादनका लागि गाउँपालिकाले ३० लाख रुपैयाँ वजेट विनियोजन गरेको कृषि शाखा प्रमुख दिपक पाण्डेले बताउनुभयो । गाउँपालिकाभित्रमा ६ वटै वडामा सो वजेटले कार्यक्रम सञ्चालन गर्ने योजना छ,उहाँले भन्नुभयो  ।

कृषि व्यवसाय गर्ने किसानहरुका लागि ७५ प्रतिशत अनुदानमा बीउ बिजन वितरण गर्ने गर्ने उहाँले सुनाउनुभयो  । गाउँपालिकामा ९० प्रतिशत किसानहरु कृषिका आधारित छन् । तराईदेखि उच्च पहाडसम्म फल्ने सबै किसिमका उत्पादन हुने भएकोले कृषिका लागि एकदमै सम्भावना रहेको ठाउँ हो, उहाँले भन्नुभयो । 

स्थानीय किसानहरुका लागि धनियाँको बीउ, पालकको बीउ, रायोको बीउ, बन्दा आदि निःशुल्क वितरण गर्ने उहाँले बताउनुभयो  ।