सल्यानमा ७० वर्षीय वृद्ध मृत फेला

सल्यान –  सल्यानमा ७० वर्षीय वृद्ध मृत फेला परेका छन् । जिल्लाको त्रिवेणी गाउँपाकिला १ काभ्राका पिमलाल कामी मृत फेला परेका हुन । 

घरदेखि करिब एक सय मिटर टाढा स्याला भन्ने स्थानमा मृत फेला परेको जिल्ला प्रहरी कार्यालय सल्यानले जनाएको छ । पानीको कुलोमा टाउको डुबेको अवस्थामा उनको शव भेटिएको जिल्ला प्रहरी कार्यालय सल्यानका सूचना अधिकारी भवानी प्रसाद धमलाले बताउनुभयो ।

 कुलोमा डुब्दा श्वासप्रश्वासमा समस्या हुँदा उनको मृत्यु भएको हुन सक्ने उहाँको भनाई छ । मृत्तक कामीको शव पोष्टमार्टमका लागि सल्यान जिल्ला अस्पतालका राखिएको पोष्टमार्टम रिर्पोट पछि मात्र वास्तविकता थाहा हुने उहाँको भनाई छ । घटनाको थप अनुसन्धान अघि बढाई रहेको प्रहरीले जनाएको छ ।