माघी मनाउन राउटे वस्तीमा खसी र खाद्यान्न वितरण

दैलेखको महावुगाउँपालिका वडा नं. ३ बाँसीको इनेदुला (छामघाट खोलाको किनार) मा बस्दै आएका राउटे समूदायलाई खाद्यान्न वितरण गरिएको छ । माघी पर्वलाई लक्षित गर्दै राउटे समूदायलाई खाद्यान वितरण गरिएको हो । नेपाल सरकार जिल्ला प्रशासन कार्यालय दैलेखले राउटे समूदायलाई खाद्यान्न वितरण गरेको हो । यस्तै दैलेखको सामाजिक संस्था सामाजिक सेवा केन्द्र (सोसेक) नेपाल, सेभ द चिन्ड्रेन, एइआइएन र उद्योग बाणिज्य संघ दैलेखले राउटे समूदायलाई कम्बल समेत प्रदान गरेको छ ।

जिल्ला प्रशासन कार्यालय दैलेखले समूदायमा ३० केजीको ४२ प्याकेट चामल, प्रति परिवार १ केजी दाल, प्रति परिवार १ प्याकेट नुन, प्रति परिवार १ प्याकेट तेल र दुई वटा खसी वितरण गरेको हो । यस्तै सामाजिक सेवा केन्द्र (सोसेक) नेपाल, सेभ द चिन्ड्रेन, एइआइएनले २० वटा कम्बल र दैलेख उद्योग बाणिज्य संघ दैलेखले २० वटा कम्बल प्रदान गरेको हो ।
नेपाल सरकार र दैलेख स्थित विभिन्न सामाजिक संघ संस्था तथा निजी क्षेत्रहरुको सहयोगबाट राउटे समूदायलाई खाद्यान्न संगै कम्बल वितरण गरिएको दैलेखका प्रमुख जिल्ला अधिकारी विश्वराज न्यौपानेले जानकारी दिएका छन् ।
फिरन्ते जिवन विताउने राउटे समूदायलाई चिसोबाट बचाउन कम्बल वितरण गरिएको सामाजिक सेवा केन्द्र (सोसेक) नेपाल दैलेखका संस्थापक अध्यक्ष हीरासिंह थापाले जानकारी दिएका छन् ।
दैलेखको महावुगाउँपालिका वडा नं. ३ बाँसीको इनेदुला (छामघाट खोलाको किनार) मा अहिले ४६ घरपरिवार राउटे समूदाय बसोबास गर्दै आएका छन् ।
कार्यक्रममा प्रमुख जिल्ला अधिकारी विश्वराज न्यौपाने, प्रहरी नायव उपरिक्षक सरोज पौडेल, भैरवी गाउपालिका अध्यक्ष प्रेम वहादुर वुढा, महावु गापा वडा नं. ३ का वडा अध्यक्ष हीरासिंह वडुवाल, सामाजिक सेवा केन्द्र (सोसेक) नेपालका संस्थापक अध्यक्ष हीरासिंह थापा, राउटे उत्थान प्रतिस्थानकी अध्यक्ष सत्यदेवि अधिकारी, पत्रकार लगायतको सहभागिता रहेको थियो ।