भोलि मुख्य निर्वाचन अधिकृतको कार्यालय खुल्दै

          |   प्रकाशित मितिः शनिबार, बैशाख २, २०७४     ::: 335 पटक पढिएको   |  

सरकारले वैशाख ३१ गते स्थानीय तहको निर्वाचन घोषणापछि राजनीतिक दलहरु चुनावी परिणाम आफ्नो पक्षमा पार्न प्रचार अभियानहरुमा तीव्रता दिएका छन् । निर्वाचन आयोगले भोलि वैशाख ३ गते ७५ वटै जिल्लामा मुख्य निर्वाचन अधिकृतको कार्यालय खोल्ने जनाएको छ ।
दैलेखका मुख्य निर्वाचन अधिकृत जिल्ला न्यायाधीश प्रकाशप्रसाद पण्डितले दैलेखका ११ वटै निर्वाचन अधिकृतहरुको समन्वय गर्न जिल्ला स्तरीय मुख्य निर्वाचन अधिकृतको कार्यालय भोलि विहान ८ बजे जिल्ला अदालतमा उद्घाटन गर्ने तयारी गरेको बताउनुभएको छ ।
निर्वाचन आचारसहिंता र निर्वाचन गतिविधिलाई शान्त, मर्यादित र स्वस्थ प्रतिस्पर्धाका साथ सञ्चालन गर्न जिल्लाका राजनीतिक दलहरुसंग अन्तरक्रियाको रुपमा पनि भोलिको कार्यक्रम केन्द्रित रहने जानकारी दिनुभयो । मुख्य निर्वाचन अधिकृत जिल्ला न्यायाधीश पण्डितले दैलेखका बहालवाला साँसदहरु र सरोकारवाला निकायलाई समेत भोलिको कार्यक्रममा निमन्त्रण गरिएको बताउनुभयो ।



Leave a comment

Your email address will not be published.


*