स्थानीय तह निर्वाचन सफल भए अरु निर्वाचन शान्त हुन्छ

          |   प्रकाशित मितिः आइतवार, बैशाख ३, २०७४     ::: 363 पटक पढिएको   |  

जिल्ला न्यायाधीश प्रकाशप्रसाद पण्डितले संघीय संरचना अनुसार हुन गइरहेको पहिलो निर्वाचन भएकोले स्थानीय तहको निर्वाचन सफल बनाउन सबै जुट्नुपर्ने बताउनुभएको छ । News in Mukhkhe Narbacha office (1)
आज दैलेख सदरमुकाममा भएको मुख्य निर्वाचन निर्वाचन अधिकृतको कार्यालय उदघाटन कार्यक्रममा यो निर्वाचन सफल भए मात्र प्रान्तीय निर्वाचन र संसदीय निर्वाचन सहज हुने धारणा राख्नुभयो ।
मुख्य निर्वाचन अधिकृतको जिम्मेवारी भएका जिल्ला न्यायाधीश पण्डितले निर्वाचन आचार सहिंता पूर्ण पालना गर्न र निर्वाचनलाई शान्त, मर्यादित र स्वस्थ प्रतिस्र्धात्मक बनाउन राजनीतिक दलहरुसंग आग्रह गर्नुभयो ।
कार्यक्रममा दैलेख क्षेत्र नं. १ का साँसद अम्मरबहादुर थापाले संघीय संरचना अनुसार पहिलो पटक हुन लागेको निर्वाचनले नागरिकलाई अधिकार सम्पन्न बनाउने भएकोले योग्य उम्मेदवार जिताउन आग्रह गर्नुभयो ।
त्यसबखत साँसद ललिता रेग्मीले महिलाहरुले राम्रो पदीय हैसियत र संख्यात्मक हिसावले पनि ४० प्रतिशत भन्दा बढी प्रतिनिधित्व हुने भएकोले महिला अधिकार प्रत्याभूती गराउन स्थानीय तहको निर्वाचनले महत्वपूर्ण भूमिका निर्वाह गर्ने बताउनुभयो ।
सो कार्यक्रममा प्रमुख जिल्ला अधिकारी जीवनप्रसाद दुलालले दैलेखमा अहिलेसम्म उच्च राजनीतिक संस्कार र सामाजिक सहयोगले आसन्न निर्वाचन शान्त र निर्भयपूर्वक हुनेमा आफू आशावादी रहेको बताउनुभयो ।



Leave a comment

Your email address will not be published.


*