राष्ट्रिय मानवअधिकार आयोग निर्वाचन सुक्ष्म अनुगमन गर्दै

          |   प्रकाशित मितिः आइतवार, बैशाख ३१, २०७४     ::: 228 पटक पढिएको   |  

दैलेख, राष्ट्रिय मानवअधिकार आयोगले वैशाख ३१ गते मतदान हुने ३४ जिल्लामा मतदान गतिविधिको सुक्ष्म रुपमा अनुगमन गर्न अनुगमन गरिहरेको छ । जस अनुसार दैलेखको अवस्था बारे अनुगमन गर्न मानवअधिकार अधिकृत द्वारिका अधिकारीको टोली आज दैलेख आइपुगेको छ ।
मानवअधिकार अधिकृत द्वारिका अधिकारीको टोलीले जिल्ला सदरमुकामको त्रिभुवन मावि केन्द्रमा मतदान अधिकृतदेखि कर्मचारीहरु र सुरक्षाकर्मी समेत सबै जना महिला कर्मचारी खटाएको केन्द्रमा भएको तयारी बारे जानकारी लिएको थियो ।
महिला विकास अधिकृत अनिता ज्ञवाली मतदान अधिकृत रहेको सो मतदान केन्द्रको तयारी र जिल्लाका निर्वाचन सम्वन्धी कार्यमा संलग्न अधिकारीहरुसंग भेटेपछि मतदान कार्यको तयारी, सहकार्य र समन्वय देशभरकै उत्कृष्ट जिल्लाको रुपमा राष्ट्रिय मानवअधिकार आयोगले लिएको मानवअधिकार अधिकृत द्वारिका अधिकारीले बताउनुभयो ।
आयोगको टोलीले मतदातलाई निर्भयपूर्वक मतदान गर्ने अवस्था छ छैन, उम्मेदवारको सुरक्षा, निर्वाचन आचार सहिंताको पालनादेखि मतगणना अवधिसम्मको व्यवस्थापकीय कार्य बारे अनुगमन गर्नेछ ।
कार्यका लागि मुख्य निर्वाचन अधिकृत जिल्ला न्यायाधीश प्रकाशप्रसाद पण्डित लगायतका अधिकारीहरुसंग भेट्नुका साथै पञ्चदेवल, चुप्रा, तर्ताङ्गका मतदान केन्द्रमा पुगी मतदाता परिचयपत्र वितरण प्रक्रिया र मतदानको तयारी बारे भइरहेका गतिविधिहरुको अनुगमन गरिएको मानवअधिकार अधिकृत द्वारिका अधिकारीले बताउनुभयो ।



Leave a comment

Your email address will not be published.


*