९ जेठ, सुर्खेत, । कालिकोटबाट सुर्खेत आउँदै गरेको क्षेत्रीय प्रहरी कार्यालय सुर्खेतको गाडी दुर्घटना हुँदा एक जनाको मत्यु भएको छ ।
वीरेन्द्रनगर-१४ साउनेपानीमा ना १ ग ४७६ नम्बरका वान टन (मिनी जीप) मंगलबार विहान दुर्घटना हुँदा रुकुम घर भएका प्रहरी जवान तारा चन्दको मृत्यु भएको हो ।
जीप सडकबाट अन्दाजी २ सय मिटर तल खसेको अस्थाई ट्राफिक प्रहरी पोष्ट छेडाका ट्राफिक प्रहरी गोपाल बोहराले जानकारी दिए ।
जीप अनियन्त्रित हुँदा दुर्घटना भएको बताइएको छ ।
दुर्घटनामा घाइते भएकाहरुको वीरेन्द्रनगरको देउती हस्पिटल र क्षेत्रीय अस्पताल कालागाउँमा उपचार भइरहेको छ ।
दुर्घटनामा परेको गाडी कालिकोटमा स्थानीय तहको चुनाव सकेर सुर्खेत आउँदै गरेको क्षेत्रीय प्रहरी कार्यालयको गाडी हो ।
दुर्घटनामा २५ जना प्रहरी घाइते भएका छन् ।
प्रतिक्रिया