बलात्कारको घटनामा संलग्नलाई कार्बाहीको माग

        दैलेख संवाददाता माघ १८   |   प्रकाशित मितिः बिहिबार, माघ १८, २०७४     ::: 421 पटक पढिएको   |  

 

केहि दिन अगाडी काठमाण्डौको दरवारमार्ग स्थित ल्याडमार्क होटलमा चार जनाको समूहले एक युवती लाई गरेको सामुहिक बलात्कारको घटना प्रति नागरिक समाज दैलेख र सामाजिक सेवा केन्द्र (सोसेक) नेपाल दैलेखले घोर भत्सना गरेको छ । विहिवार नागरिक समाज दैलेख र सामाजिक सेवा केन्द्र सोसेक) नेपाल दैलेखले जारि गरेको सयुक्त प्रेस विज्ञप्तीमा उक्त घटनाको भत्सना गरिएको हो । जारि प्रेस विज्ञप्तीमा उक्त घटनामा संलग्न सबैलाई अबिलम्ब कार्बाहीको माग गरिएको छ । उक्त घटना पछि कान्तिपुर दैनिकमा “सामुहिक बलात्कार घटनामा प्रहरी गुपचुप” भन्ने शिर्षमा समाचार प्रकाशित भइसकेको छ ।
विज्ञप्तीमा भनिएको छ ‘घटनाको लगत्तै बलात्कारीहरुले एक ट्याक्सी चालकलाई युवतीलाई घर छाडिदिन भनेका थिए । तर युवतीले रोई कराई आफुलाई प्रहरी कहॉ पु¥याई दिन आग्रह गरेअनुसार चालकले युवतीलाई महानगरीय प्रहरी बृत्त कमल पोखरी पु¥याए पनि त्यहाँ घटना तत्काल दर्ता नगरी घटना भएको एरिया हेर्ने महानगरीय प्रहरी बृत्त दरवारमार्ग पु¥याएका थिए । तर प्रहरी बृत्त दरवार मार्गले घटनालाई फितलो रुपमा लिई मुख्य आरोपीलाई एक रात थुनामा राखी सुटुक्क छाडिदिएको छ ।’ यसैगरी मुलुकका अन्य जिल्ला र दैलेखमा पनि बलात्कारका घटनाहरु घटिरहेको प्रेस विज्ञप्तीमा उल्लेख छ ।
मौका छोपी महिला तथा बालिकामाथी बलात्कार हुनु अति नै निन्दनिय हो भएको र यसको जति भत्सर्ना गरेपनि नपुग्ने भन्दै यस्ता घटनाहरुले मुलुकको सुरक्षाको बागडोर सम्हालेर बसेका प्रहरी प्रशासनमाथी नै प्रश्न उठ्नु स्वभाविक भएको विज्ञप्तीमा उल्लेख गरिएको छ । यस्ता घटनामा प्रहरी प्रशासन एवं न्याय मुर्तिहरुनै प्रभावमा परेजस्तो गरी अपराधीहरुलाई सामान्य तारिखमा छाडिदिने कार्य प्रति नागरिक समाज दैलेख र सामाजिक सेवा केन्द्र (सोसेक) नेपाल दैलेखले घोर भत्सर्ना गरेको छ । विज्ञप्तीमा अव आइन्दा यस्ता घटना हुन नदिन नागरिक समाज र सामाजिक सेवा केन्द्र (सोसेक) नेपाल दैलेखले गृह मन्त्रालय एवं प्रहरी प्रशासनको ध्यान आकार्षण गराएको छ । साथै घटनाका दोषीहरुलाई चाडो भन्दा चाडो पक्राउ गरी कडा भन्दा कडा कार्वाही गर्न र पिडितहरुलाई उचित न्याय सहितको क्षतिपूर्ति दिलाउनका लागि विज्ञप्तीमा मार्फत माग गरिएको छ ।



Leave a comment

Your email address will not be published.


*