मदिरा नियन्त्रण गर्न नसके व्यवस्थित गरौं

          |   प्रकाशित मितिः बिहिबार, पुस ५, २०७५     ::: 377 पटक पढिएको   |  


दैलेख– दैलेखका प्रहरी प्रमुख प्रहरी नायव उपरीक्षक ठाकुरप्रसाद पोखरेलले समाजमा अपराध रोकथाम गर्न मदिरा नियन्त्रण पहिलो आवश्यकता रहेको बताएका छन् । जिल्ला प्रहरी कार्यालयको आयोजनामा नारायण नगरपालिका वडा नं. २ को टोटथाप्लामा आयोजित मदिरा नियन्त्रण सचेतना कार्यक्रममा बोल्दै उनले सो विचार राखे ।
प्रहरी नायव उपरीक्षक पोखरेलले समाजको सहयोग पाए मदिरा नियन्त्रण गर्न सकिन्छ तर नियन्त्रण गर्न नसके निश्चित समयमा खाने बेच्ने, मात्रा र सामाजिक सदभाव खलल् नपुग्ने गरी व्यवस्थापन गर्न जरुरी रहेको बताए ।
कार्यक्रममा नारायण नगरपालिका वडा नं. २ का वडाध्यक्ष रेशमबहादुर थापाले भने ‘चुनाव जितेको बेला मदिराले मातेहरुबाट हामी डराउथ्यौं, अहिले उनीहरु डराउँछन ।’ वडाध्यक्ष थापाले मदिरा नियन्त्रण गरेर युवाहरुलाई उन्नत खेती प्रविधिमा आफूले प्रोत्साहित गर्ने योजना रहेको बताए ।

त्यसबखत प्रहरी र समुदायको साझेदारीमा शान्ति सुव्यवस्था कायम राख्न र सामाजिक विकृति अन्त्य गर्ने सवालमा स्थानीयहरुसंग खुला अन्तरक्रिया भएको थियो । यसैबीच बाल मनोविज्ञ पत्रकार अमर सुनारले बालबिज्याईं र बाल न्याय प्रणालीका विषयमा जनता मावि कोटथाप्लाका विद्यार्थीहरुलाई अभिमुखीकरण गरेका थिए ।



Leave a comment

Your email address will not be published.


*