दैलेखमा निशुल्क स्वास्थ्य परिक्षण शिविर हुने

दैलेख जेठ १९ –महिला बालबालिका तथा सर्वसाधरणलाई लक्षित गरि दैलेख सदरमुकाममा एक दिने निशुल्क स्वास्थ्य परिक्षण शिविर संचालन हुने भएको छ । नेपाल प्रहरी श्रीमति संघ र आसरा सुधार केन्द्रको सयुक्त आयोजनामा उक्त शिविर संचालन हुन लागेको हो ।
एक दिने शिविरमा बाल रोग, दन्त रोग तथा स्त्री रोग सम्बन्धि सम्पूर्ण विरामीहरुको निशुल्क स्वास्थ्य परिक्षण गरिने जिल्ला प्रहरी कार्यालय दैलेखको प्रहरी निरिक्षक बजिरंिह बिष्टले जानकारी दिएका छन् । यस बाहेक स्वास्थ्य सम्बन्धि अन्य समस्या भएका विरामीहरुको समेत निशुल्क स्वास्थ्य परिक्षण गरिने प्रहरी निरिक्षक बिष्टले बताए । स्वास्थ्य परिक्षणका लागि नेपाल प्रहरी अस्पतालका १५ जना चिकित्सक आउने बताइएको छ ।
शिविरमा स्वास्थ्य परिक्षणका साथमा जनचेतनामुलक कार्यक्रम समेत तय गरिएको छ । माध्यामिक तहमा अध्ययनरत विद्यार्थीहरुलाई लक्षित गरि चेतनामुलक कार्यक्रम गरिने छ । विद्यार्थीहरुलाई लागु औषध, महिला यौन जन्य हिंसा लगाएतका विषयमा जनचेतनामुलक कार्यक्रम गरिने छ । युवायुवतीहरुलाई कुलतमा फस्नु अगाडी नै सचेत बनाउने उदेश्यले चेतनामुलक कार्यक्रम गर्न लागिएको हो ।
दैलेख सदरमुकाममा रहेको नारायण क्याम्पस रामपुरमा हुने शिविर जेठ २१ गते सोमवार हुने बताइएको छ ।