दैलेख आईडल २०७३ को दोस्रो चरणको अडिसन आज सम्पन्न ।।

भिम सिजापति दैलेख
दैलेख आईडल २०७३ को दोस्रो अडिसन सम्पन्न भयो । “दैलेख र दैलेखीको सान, गायन प्रतिभाको खोजी अभियान” भन्ने नाराका साथ रेडियो धु्रवतारा सामुदायिक एफ. एम. ८९.८ मेगाहर्ज दैलेखको आयोजनामा सञ्चालन भैरहेको दैलेख आईडल २०७३ को दोस्रो अडिसन आज सम्पन्न भएको छ ।
दैलेखका कुना कन्दरामा लुकेर रहेका प्रतिभालाई उजागर गर्ने उद्देश्यले यस्तो कार्यक्रमको आयोजना गरेको दैलेख आईडल कार्यक्रमका संयोजक अभिषेक अनुरागले बताएका छन् । सहभागी प्रतिशप्रधिलाई शुभकामना दिदै दैलेख आईडलले दैलेख र दैलेखीकोे पहिचानलाई राष्ट्रिय तथा अन्तराष्ट्रिय समूदाय सम्म पुग्ने आशा ब्यक्त गरे । धु्रवताराका एफ. एम. का स्टेशन म्यानेजर चक्र के.सि.ले विभिन्न ठाउँमा लुकेर रहेका प्रतिभालाई उजागर गर्ने एउटा माध्यम भएको बताउँदै मिडिया र कलाकर्मि जहिले पनि एकै रथका दुई पाङग्रा भएको बताए ।
धु्रवतारा एफ. एम.ले यस्तै प्रतिभालाई सम्मान गर्दै पश्चिम नेपाल सिङगीङ स्टार लगाएतका विविध कार्यक्रम सञ्चालन गर्दै आएको छ । दैलेख आईडलको दोस्रो अडिसनमा सुवास गौतमले निर्णायकको भूमिका निर्वाह गर्नु भएको थियो । दैलेखमा धेरै खाले प्रतिभा रहे पनि कलासिकलको अभावमा ओझेलमा परेको बताउँदै अब यस्ता कार्यक्रमले सहयोग पुग्ने बताउनुभयो । उक्त आईडलको कार्यक्रम सञ्चालन स्टेशन म्यानेजर चक्र के.सी. र कार्यक्रम सञ्चालक विशाल सुनारले गर्नुभएको थियो । दैलेख आईडलको दोस्रो चरणमा जम्मा सहभागी ४० जना मध्ये २४ जना तेस्रो चरणको लागी छनौट भएका छन् ।