बनगाडको १२ औं नगर सभा सम्पन्न

सल्यान – सल्यानको बनगाड कुपिण्डे नगरपालिकाको १२ औं नगर सभा मङ्गलबार सम्पन्न भएको छ ।

बनगाड कुपिण्डे नगरपालिकाको १२ औं नगर सभाले ४ कार्यविधिहरु पारित समेत गरेको छ । सभाले बजेट रकमान्तर तथा शिर्षकान्तर सम्बन्धमा, बनगाड कुपिण्डे नगरपालिकाको जलस्रोत विधेयक २०७९, बनगाड कुपिण्डे नगरपालिकाको नगर प्रहरी विधेयक २०७९ सम्बन्धमा र अन्य विविध विषय सम्बन्धमा छलफल पश्चात् कार्यविधिहरु पारित गरेको हो ।

बनगाड कुपिण्डे नगरपालिकाको नगर प्रमुख कर्ण बहादुर बुढाथोकीको सभाध्यक्षतामा भएको कार्यक्रम वार्षिक बजेट तथा कार्यक्रमको संशोधन बजेट उप-प्रमुख पुरुषोत्तम आचार्यले प्रस्तुत गर्नु भएको थियो । सबै योजनाहरु चैत्र २५ गते सम्म सम्झौता गरेर काम अगाडि बढाउने निर्णय गरेर पारित गरिएको छ ।

बनगाड कुपिण्डे नगरपालिकाका प्रमुख प्रशासकीय अधिकृत जगत बहादुर घर्ती, नगरपालिकाका १२ वटै वडाका वडा अध्यक्षहरु, कार्यपालिका सदस्यहरु, वडा सदस्यहरु, नगरपालिकाका विभिन्न शाखामा कार्यरत कर्मचारीहरु लगायतको उपस्थिति रहेको थियो ।