सल्यानमा भीरबाट लडेर वृद्धाको मृत्यु

सल्यान  – सल्यानममा भीरबाट लडेर वृद्धाको मृत्यु भएको छ । जिल्लाको कुमाख गाउँपालिका ६ वडागाउँकी अन्दाजी ७० वर्षीया पदमी परियारको मृत्यु भएको हो ।
बागचौर नगरपालिका ३ स्थित सेताभिरबाट लडेर उहाँको मृत्यु भएको जिल्ला प्रहरी कार्यालय सल्यानले जानकारी दिएको छ ।

बिहीबार बिहान सडकदेखि २० मिटर तल परियारको शव भेटिएको जिल्ला प्रहरी कार्यालय सल्यानका सूचना अधिकारी गोपाल श्रेष्ठले बताउनुभयो ।
उहाँ केही दिनदेखि छोरीको घरमा बस्दै आउनु भएको थियो । मृत्तक परियारको शव पोष्टमार्टमका लागि सल्यान जिल्ला अस्पताल राखिएको प्रहरीको भनाई छ ।