अफिम खेतीमा संलग्न पक्राउ

रुकुम- अफिम खेती गर्नेमा संलग्न एक जनालाई प्रहरीले पक्राउ गरेको छ । रुकुम पूर्वको भूमे गाउँपालिका-९ दुधे पोखराका सोही ठाउँमै अफिम खेती गर्ने संलग्नमा रहेका ४४ वर्षीय कणर्बहादुर पुनलाई पक्राउ गरिएको जिल्ला प्रहरी कार्यालयका प्रवक्ता एवम् प्रहरी निरीक्षक कृष्णबहादुर खत्रीले बताउनुभयो ।

प्रहरी गस्ती जाने क्रममा दुधे पोखरा स्थित अन्दाजी एक रोपनी जग्गामा अवैध लागु औषध अफिम खेती गर्दै अफिमको चोप निकाल्दै गरेको अवस्थामा पुनलाई फेला पारिएको प्रवक्ता खत्रीले बताउनुभयो । सोमबार पक्राउ परेका पुनलाई मङ्गलबार जिल्ला अदालतमा पेश गरी पाँच दिनको म्याद थप गरी थप अनुसन्धान भइरहेको खत्रीको भनाइ रहेको छ ।