लागु औषधसहित २ जना पक्राउ

सुर्खेत –   सुर्खेत प्रहरीले लागु औषधसहित २ जनालाई पक्राउ गरेको छ । पक्राउ पर्नेमा गुर्भाकोट नगरपालिका–७ बस्ने २८ वर्षीय झलक वादी र सोही पालिकाको वडा नं–९ का ३३ वर्षीय हरि विक रहेका छन् ।

उनीहरूलाई भेरीगंगा नगरपालिका–८ गोचे खोलाबाट पक्राउ गरिएको सुर्खेत प्रहरीले जनाएको छ ।  ईलाका प्रहरी कार्यालय छिन्चुबाट सादा पोसाकमा खटिएको प्रहरी टोलीले शंका लागेर चेकजाँच गर्दा विकको साथबाट रातो प्लाष्टिकको मेघाश्रीको खोलमा लुकाई छिपाई राखेको अवस्थामा ११ पुडिया ब्राउन सुगर भेटिएको प्रहरीले जनाएको छ ।