जाजरकोटमा १२ हेक्टर जमिनमा फैलिएको अफिम नष्ट

जाजरकोट –  प्रहरीले जाजरकोटमा अफिम खेती नष्ट गर्ने अभियान चलाएको छ । वैशाख ७ बाट प्रहरीले जाजरकोटको विभिन्न भू–भागमा फैलिएको अफिम खेती नष्ट गरिरहेको छ । नलगाड गाउँपालिका र जुनिचाँदे गाउँपालिकामा करिब १२ हेक्टर जमिनमा फैलिएको अफिम नष्ट गरिएको जाजरकोटका डीएसपी सन्तोष रोकाले बताउनुभयो ।

इन्स्पेक्टर सुनिल थापा नेतृत्वको टोलीले नलगाढ नगरपालिका–३ चाउलेचौर, दारेलेख, पाखा, करुवा सानोबन, सानोछाप र नौखालीमा अवैध रुपमा खेती गरिएको र आफैं उम्रिएको अफिम नष्ट गरेको छ । इलाका प्रहरी कार्यालय दल्लीसँगको समन्वयमा ३ दिनसम्म बसेर इन्स्पेक्टर नेतृत्वको टिमले अफिम नष्ट गरेको डिएसपी रोकाले बताउनुभयो ।

जुनिचाँदे गाउँपालिका–७ स्थित निपाने र भेरी नगरपािलका–२ स्थित डिंगा थलह तथा बारेकोट गापाको वडा नम्बर ८ बनलेपाटा लगायतका ठाउँमा फैलिएको अफिम नष्ट गरिएको छ ।

अफिम नष्ट गर्न ६४ जना प्रहरी परिचालन गरिएको थियो । अफिम प्राकृतिक रुपमा उत्पादन हुने झार हो । अफिमबाट हेरोइन, ब्राउन सुगरजस्ता लागुऔषध बनाइन्छ । महंगो मूल्यमा कारोबार हुने लागुऔषधको कच्चा पदार्थको रुपमा प्रयोग हुने अफिमलाई फडानी गर्दा आगुऔषध दुव्र्यसन र त्यसको कारोबार नियन्त्रण गर्न सकिने डिएसपी रोकाले बताउनुभयो ।-राटोपाटीfq1  3