कार्यव्यवस्था परामर्श समितिको बैठक जारी

काठमाडौं –   प्रतिनिधि सभा कार्यव्यवस्था परामर्श समितिको बैठक बसिरहेको छ । शुक्रबार अपरान्ह बस्ने प्रतिनिधि सभाको बैठकअघि सभामुख देवराज घिमिरेले कार्यव्यवस्था परामर्श समितिको बैठक बोलाउनुभएको हो । नयाँ बानेश्वरस्थित संसद भवनमा बैठक जारी रहेको संघीय संसद सचिवालयले जनाएको छ ।

शुक्रबार अपरान्ह चार बजे बस्ने गरी बोलाइएको संघीय संसदको संयुक्त बैठकमा राष्ट्रपति रामचन्द्र पौडेलले सरकारको नीति तथा कार्यक्रम बाचन गर्नुहुनेछ । सरकारले बनाएको आगामी बर्षको नीति तथा कार्यक्रम पारित गर्न सिंहदरवारमा केहीबेरमा मन्त्रिपरिषद बैठक पनि बस्दैछ ।