सुर्खेतमा हँसिया प्रहारबाट एक जना महिला घाइते

सुर्खेत –   सुर्खेतमा हँसिया प्रहारबाट एक जना महिला घाइते भएकी छन् । वीरेन्द्रनगर–१२ बाघखोर बस्ने २९ वर्षीय किरण नेपालीले श्रीमतीलाई हँसिया प्रहार गरेका हुन् ।

किरणले ३६ वर्षीय श्रीमती अमृता नेपालीलाई बिहीबार विहान हँसिया प्रहार गरेको जिल्ला प्रहरी कार्यालय सुर्खेतका प्रवक्ता लक्ष्मण शाहीले बताउनुभयो । उहाँका अनुसार हँसिया प्रहारबाट घाइते अमृताको कर्णाली प्रदेश अस्पताल कालागाउँमा उपचार भइरहेको छ ।

मानसिक रोगको औषधी सेवन गरिरहेका श्रीमानले एक्काशी हँसिया प्रहार गरेको प्रारम्भीक अनुसन्धानबाट खुलेको छ । घटना लगत्तै घटनास्थल पुगेको प्रहरीले हँसिया प्रहार गर्ने किरणलाई नियन्त्रणमा लिएर अनुसन्धान गरिरहेको छ ।