कालिकोटमा पुनः जिप दुर्घटनामा

सुर्खेत-  कालिकोटमा पुनः जिप दुर्घटनामा परेको छ । दुर्घटनामा परी ३ जनाको मृत्यु भएको छ।

मृत्यु हुनेमा शुभकालिका गाउँपालिका-२ भर्ताका ३० वर्षका गाडी चालक हर्के कामी, वडा नं. ८ का ३१ वर्षीय रामबहादुर शाही र दैलेखको नौमुले घर भएका २५ वर्षीय गोपाल सलामी रहेका छन् ।

गए राति १२:३० बजेतिर शुभकालिका गाउँपालिका-६ चिसापानीस्थित बेहुली पान्तडी सडक खण्डमा चौकी बजारदेखि हाउडीतर्फ जाँदै गरेको लु १ च ८४९८ नम्बरको जिप दुर्घटना भएको जिल्ला प्रहरी कार्यालय कालिकोटका प्रमुख डिएसपी जयस्वर रिमालले बताउनुभयो । दुर्घटनाको कारण भने खुलेको छैन।