स्वास्थ्य परीक्षणका लागि देउवा आज सिंगापुर जादै

काठमाडौं –  नेपाली कांग्रेसका सभापति शेरबहादुर देउवा एक साताका लागि सिंगापुर जाँदैछन् । नियमित स्वास्थ्य परीक्षणका लागि पूर्व प्रधानमन्त्री देउवा सिंगापुर जान लागेका हुन् । उहाँ आज राति ११ बजे सिंगापुर एयरलाइन्समार्फत् सिंगापुरका प्रस्थान गर्ने उहाँको निजी सचिव केशवराज जोशीले बताउनुभयो ।

जोशीले भन्नुभयो, उहाँले केही वर्षअघिदेखि सिंगापुरको अस्पतालमा नियमित उपचार गराउँदै आउनुभएको छ, अहिले पनि फलोअपमा जान लाग्नुभएको हो । पहिले नै जानुपर्ने थियो । व्यस्तताले जान पाउनु भएको थिएन ।

पूर्व प्रधानमन्त्रीको देउवाको साथमा उनकी पत्नी आरजू राणा देउवा पनि रहने छिन् । पेटसम्बन्धी समस्या कारण स्वास्थ्य जटिलता भोगिरहेका देउवाले लामो समयदेखि सिंगापुरमा उपचार गर्दै आइरहेका छन्।यसपटकको भ्रमण उनको स्वास्थ्य फलोअपका लागि भएको उनको सचिवालयले जनाएको छ । यसअघि २०७६ जेष्ठमा स्वास्थ्य उपचारका लागि देउवा सिंगापुर गएका थिए ।