मुगुमा कुलाे खन्ने क्रममा घाइते शाहीकाे उपचारकाे क्रममा मृत्यु

मुगु –   मुगुमा कुलो खन्ने क्रममा घाइते भएका एक जनाको मृत्यु भएको छ । जिल्लाको सोरु गाउँपालिका(९ खनयाका १७ वर्षीय युवराज शाहीको मृत्यु भएको हो ।

खेतमा पानी लगाउनको लागी कुलो खन्ने क्रममा माथीबाट पशु चौपायाले ढुङ्गा खसाई ढुङ्गा छातिमा लागि घाईते भएका उनको उपचारको क्रममा मृत्यु भएको जिल्ला प्रहरी कार्यालय मुगुले जानकारी दिएको छ ।

गम्भीर घाइते भएका शाहीलाइ उपचारको लागी जिल्ला अस्पताल मुगु लगिएको र उपचारको क्रममा आज विहान मृत्यु भएको प्रहरीको भनाइ छ ।