वीरेन्द्रनगरमा फरार प्रतिवादी पक्राउ

सुर्खेत –  सुर्खेतको वीरेन्द्रनगरमा एक जना फरार प्रतिवादी पक्राउ परेका छन् । जिल्ला प्रहरी कार्यालय सुर्खेतबाट खटिएको प्रहरी टोलीले वीरेन्द्रनगर नगरपालिका १२ बस्ने वर्ष २५ का जीवन सोमैलाई पक्राउ गरेको हो ।

जिल्ला अदालत सुर्खेतले लागू औषध मुद्दामा लगत नम्बर ३४५३ बमोजिम ७ दिन कैद र १० हजार जरिवाना तोकेकोमा उनी हालसम्म फरार रहेका थिए ।

उनलाई वीरेन्द्रनगर नगरपालिका–८ स्थित कालिन्चोकबाट पक्राउ गरीएको जिल्ला प्रहरी कार्यालय सुर्खेतले जनाएको छ । पक्राउ परेका सोमै हाल जिल्ला प्रहरी कार्यालय सुर्खेतको हिरासत रहेको प्रहरीले जनाएको छ ।