सरकारको सुशासन अभियानले विश्राम लिँदैनः गृहमन्त्री श्रेष्ठ

काठमाडौँ –  गृहमन्त्री नारायणकाजी श्रेष्ठले सुशासन स्थापनाका लागि सरकारको अभियानले विश्राम नलिने बताउनुभएको छ ।

बिहीवार राष्ट्रिय सभाको बैठकलाई सम्बोधन गर्दै मन्त्री श्रेष्ठले सरकारले सुशासन, समृद्धि र सामाजिक न्यायलाई केन्द्रबिन्दुमा राखेर काम अगाडि बढाइरहेको बताउनुभयो । श्रेष्ठले देशको समृद्धिको लक्ष्य हासिल गर्ने पूर्वशर्त सुशासन भएको भन्दै सरकारको अभियानले विश्राम नलिने बताउनुभयो ।

उहाँले निर्दोष नफसुन् र दोषि नछुटुन् भन्ने मान्यता अख्तियार गरिएको पनि उल्लेख गर्नुभयो । मन्त्री श्रेष्ठले धनि र गरिब तथा सम्पन्न र विपन्नलाई छुट्टाछुट्टै कानून हुँदैन भन्नेकुरामा सबैको ध्यानाकर्षण गराउनुभयो । उहाँले प्रहरी समायोजनको प्रक्रिया अगाडि बढाउन र टुंगोमा पु¥याउन सरकार दृढ रहेको बताउनुभयो।