धनगढीका मेयरले वृक्षारोपणका लागि ५ दिनमा गरे २० लाख सहयोग संकलन

धनगढी-   धनगढी उपमहानगरपालिकाले हाम्रो धनगढी हामी बनाउँछौँ अभियान चलाइरहेको छ। जसअन्तर्गत उपमहानगरका मेयर गोपाल हमालले दोस्रो चरणको हरियाली प्रवर्द्धन कार्यक्रम चलाइरहनुभएको छ।

जसअन्तर्गत हालसम्म २० लाख ३० हजार ६५० रुपैयाँ सहयोग प्राप्त भएको मेयर हमालले सामाजिक सञ्जालमार्फत् बताउनुभएको छ ।

उहाँले असार २५ गतेदेखि हरियाली अभियान सुरु गर्नुभएको हो । हमालका अनुसार असार २५ गते ६ लाख ४५ हजार, २६ गते २ लाख ४० हजार, असार २७ ४ लाख ७५ हजार र २८ गते ५ हजार २० हजार र २९ गते १ लाख ५० हजार रकम सहयोग संकलन भएको छ।

धनगढी उपमहानगरपालिकाले हरियाली प्रवर्द्धन गर्न र धनगढीलाई पर्यावरणमैत्री बनाउन उक्त अभियान चलाएको हो।