बाल विहे रोक्ने अभियानमा लागे बाल क्लव

जिल्लाको पश्चिममा पर्ने राकम कर्णालीमा रहेको शुभविहानी बाल क्लवले शनिबार वाल विवाह रोक्न सडक नाटक प्रदर्शन गरेको छ । दैलेखमा बाल विहेको अवस्था भयानक रहेको एक अध्ययनले देखाएकोछ । उक्त अध्ययननका अनुसार जिल्लामा उमेर नपुगी विवाह गर्नेहरुको ८६ प्रतिसत रहेकोछ । जिल्लामा गठन भई क्रियाशिल रहेका समुदाय र विद्यालयमा आधारित बाल क्लवले वाल विवाह रोक्ने अभियान नै संचालन गरेकाछन् ।

यस्तै क्लवहरु मध्ये शुभविहानी बाल क्लव राकमकर्णालीले शनिबार राकमकर्णालीको खिड्कीज्युला र भेल्तडीमा सडक नाटक प्रदर्शन गरेको छ । नाटकमा बाल बिहेले ल्याउने सामाजिक, आर्थिक र स्वास्थ्य समस्याबारे सचेत गराइएको थियो । बाल बिहे कानुनीरुपमा समेत दण्डनीय रहेको नाटकमा देखाउन खोजीएको कुरा दर्शक जिवन सावद माझीले वताए । केटाकेटी दुबैको २० वर्ष भन्दा कम उमेरमा विवाह गर्न नपाइने कानुनी व्यवस्था रहेको शुभविहानी वाल क्लवका अध्यक्ष नेत्र थापा माझीले वताए । सडक नाटक राकमकर्णाली, सिंहासैन र पिपलकोटका करिव एक हजार जना दर्शकले नाटक अवलोंकन गरेको नाटकका निर्देशक खड्ग माझीले वताए ।