समाचार प्रसारण पछि सिंहासैनमा पुगे स्वास्थ्यकर्मी ।।

ज्वाला सन्देश संवादाता
दैलेख १४ असोज, दैलेखको पश्चिममा पर्ने सिंहासैन स्वास्थ्य चौकीमा आज स्थानीय बासिन्दाले हिजो लगएको ताला आज खोलिएको छ । अहेव भुवनराज पौड्याल र स्थानीय बासिन्दा विच आज भएको छलफल पश्चात ताला खोलिएको हो । अब देखी यस्तो गल्ती कदापी नदोहो¥याउने, कामको सिलसिलामा बाहिर रहेका स्वास्थ्यकर्मी आईतबार सम्म जसरी पनि कार्य स्थलमा आउने लगाएतका विषयमा स्थानीय बासिन्दा र अहेव पौड्याल विच सहमति भए पछि स्थानीयले आज ताला खोलको हुन् । विगत ७ गते देखी कर्मचारी विहिन हुँदा स्वास्थ्य चौकी बाट पाउने सेवा सुविधा बाट स्थानीय बासिन्दा बन्चित भए पछि ताला बन्दि गरिएको थियो । दैनिक १५÷२० जना भन्दा बढि सेवाग्राही आउँदै फर्किने गरेको र स्थानीय बासिन्दा द्रुपति थापालाई परम्परागत शैलीबाट ४ घण्टाको पैदल दुरी बाट सुडिनी वोलाई सुत्केरी गराउनु परेपछि स्थानीय बासिन्दा आर्काेशित हुदै ताला लगाएका थिए । विगत तिन दिन देखी धु्रवतारा एफ.एम.ले स्वास्थ्य चौकीमा कोहि पनि स्वास्थ्यकर्मी नहुँदा सेवाग्राही मर्कामा परेको समाचारलाई प्राथमिकताका साथ प्रसारण गर्नुका साथै फलोअप समेत गरेको थियो । एफ.एम.ले जिल्ला स्वास्थ्य कार्यालय दैलेखलाई स्वास्थ्यकर्मी नहुँदा स्थानीय बासिन्दा आर्काेसित तत्काल स्वास्थ्यकर्मी पठाउनु पर्ने विषयमा झकझकाईरहेको थियो ।