काठमाडौंमा सररर साझाका विद्युतीय बस

काठमाडौंमा सररर साझाका विद्युतीय बस

काठमाडौं : साझा यातायातले आजबाट राजधानीमा विद्युतिय बस सञ्चालनमा ल्याएको छ । सुरुवाती परिक्षणको रुपमा तीन वटा बस आजबाट सञ्चालनमा ल्याइएको हो । थप ३७ थान विद्युतिय बस आगामी साउन मसान्तसम्म भित्रिने आज एक विज्ञप्ति जारी गर्दै साझा यातायातले जनाएको छ ।

सबै चालक र सहचालक महिला

प्रालिले आज तीन विद्युतीय बस सञ्चालन सुरु गरेकामा सबै चालक र सहचालक महिला छन् । ती बसमध्ये दुई माछापोखरी–बालाजु–सोह्रखुट्टे–जमल–पुरानो बसपार्क–माइतीघर–नयाँबानेश्वर–तीनकुने–सिनामङ्गल–एयरपोर्टको रुटमा र एक लगनखेल–जावलाखेल–कुपण्डोल–त्रिपुरेश्वर–नेपाल वायुसेवा निगम–लैनचौर–शिक्षण अस्पताल–नारायण गोपालचोक–बाँसबारी–बूढानीलकण्ठ रुटमा सञ्चालन हुने साझाले जनाएको छ ।

साझाको विद्युतिय बसको ‘सफ्ट लन्च’ आज साझा यातायातका संस्थापक अध्यक्ष विश्वबन्धु थापाबाट गरिएको थियो । ‘नेपाल सरकारले २०७६ असार ३१ मा विद्युतिय परिवहन प्रवर्दन गर्न साझा यातायात सहकारी संस्था लि.मा ३ अर्ब रुपैयाँ लगानि गर्नाले यस संस्थालाई विद्युतिय बसको ‘फ्लिट’ निर्माण गर्न सम्भव भएको हो,’ साझाले विज्ञप्तिमा भनेको छ ।

व्याट्रिबाट चल्ने बस प्रविधि नयाँ भएकोले साझा यातायातले विभिन्न चरणमा विद्युतिय सवारी भित्राउने योजना बनाएको छ । पहिलो चरणमा अन्तर्राष्ट्रिय बोलपत्र आव्हान गरि ८.५ मिटर लम्बाईको ४० बस खरिद गरिएका छन् जुन चिनको नानजिङ्ग सहर स्थित सिएचटिसि’ कम्पनीको उत्पादन हुन् । दोश्रो चरणमा १०/१२ मिटर लम्बाईको विद्युतिय शहरी बस तथा लामो दुरीको विद्युतिय बस खरिदको प्रक्रिया अगाडि बढिसकेको छ ।

प्रतिक्रिया