मेगा बैंकले ल्यायो ‘एक से एक बचत खाता’

काठमाडौं : मेगा बैंक नेपाल लिमिटेडले ‘एक से एक बचत खाता’ नामक नयाँ आकर्षक बचत खाता योजना ल्याएको छ। मेगा बैंकले ‘एक से एक बचत खाता’ नाम दिएको यस बचत खातामा सगरमाथा, कञ्चनज‌ंगा र ल्होत्से गरी तीन वटा हिमालको नामकरण गरी फरक फरक सुविधाहरू ल्याइएको छ।

यी योजनाहरूमा ८.०३ प्रतिशत ब्याज पाइनुका साथै विभिन्न आकर्षक सुविधा तथा छुटको पनि व्यवस्था गरिएको छ।  यसैगरी यी तीनै वटा योजनामा डेबिट कार्ड, मोबाइल बैंकिङ, इन्टरनेट बैंकिङ चेक बुक र इ-कमर्श रजिष्ट्रेशन निःशुल्क गरिएको छ भने क्रेडिट कार्ड सुविधा पनि उपलब्ध छ।

यसका साथै, ग्राहकहरूलाई रिटेल लोन प्रक्रिया शुल्कमा ०.२५ छुटसहित प्रिपेड डलर कार्ड, लकरलगायत विविध सेवामा छुटको व्यवस्था गरिएको छ। मेगा बैंकले ग्राहकलाई आकर्षक र नवीनतम सुविधाहरू प्रदान गर्दै आएको छ।  मेगा बैंकका देशभरकै २ सय ८ वटै शाखा तथा २५ वटा एक्सटेन्सन काउन्टरहरूबाट यस योजना अन्तर्गत खाता खोल्न सकिने मेगा बैंकले जनाएको छ।