रोकेर राखेको मोटरसाइकलमा आगजनी

रुकुम पश्चिम : रुकुम पश्चिमको मुसिकोट नगरपालिकामा रोकिराखेको मोटरसाइकलमा आगजनी भएको छ । नगरपालिकाको वडा नम्बर ८ को ठोकलाबाङ भन्ने ठाउँमा रोकिराकेको भिमप्रकाश पाण्डेको मोटरसाइकलमा अज्ञात व्यक्तिले आगजनी गरेका हुन् ।

मोटरसाइकल पार्किङ गरेर साथीको विवाहमा जादै गर्दा आइतबार बेलुकी साढे ७ बजेको समयमा पल्सर १५० सिसीको आफ्नो मोटरसाइकलमा अज्ञात व्यक्तिले आगजनी गरेको मोटरसाइकल धनी पाण्डेले बताए ।

आगजनीबाट मोटरसाइकल पूर्ण रुपमा जलेर ध्वस्त भएको उनले बताए । नजिकै पार्किङ गरिएका अन्य २ मोटरसाइकलमा भने कुनै क्षेति नभएको उनले बताए ।

मोटरसाइकलमा आगजनी गरेको आशंकामा प्रहरीले दुई जनालाई पक्राउ गरेको छ । घटनाको अनुसन्धान चलिरहेको जिल्ला प्रहरी कार्यालय रुकुम पश्चिमले जनाएको छ ।