सांसद रानालाई राउटे समुदायको बधाई तथा सम्मान

सुर्खेत :  जंगलमा फिरन्ते जीवन बिताउदै आएका राउटे समुदाय दिनहुँजसो परिर्वतन हुँदै गएका छन् । पहिले पहिले समाजको नजिक बस्न नरुचाउने, मान्छेहरुसँग खुलेर नबोल्ने राउटे समुदाय पछिल्लो समय परिर्वतन हुँदै गएका हुन् ।

मानिसहरु देखे नमस्कार नगर्ने, कुरा नगर्ने उनीहरु अहिले नमस्कार गर्न, एकआपसमा खुशि साट्न थालेका छन् । शुक्रवार राउटे बस्तिमा पुगेकी दैलेख क्षेत्रं २ प्रतिनिधिसभा सदस्य सिता कुमारी रानालाई बस्तिमा स्वागत सम्मान गरेका थिए ।

दैलेख क्षेत्र नम्बर २ बाट प्रतिनिधि सभामा निर्वाचित भएपछि पहिलो पटक राउटे बस्तीमा पुगेकी सांसद रानालाई सम्मान गरेका हुन् । पहिलो पटक बस्तीमा पुगेकी सांसद रानालाई राउटे मुखिया सुर्यनारायण शाही, सम्झना शाही लगायत अन्य राउटेहरुले फुलको माला उनेर बधाई तथा सुभकामना दिएका थिए ।

राउटेहरुको त्यो सम्मानपछि सासंसद रानाले खुशि व्यक्त गर्दै राउटेको संरक्षण र राउटेहरुको हितका लागि आफु सधै लागिरहने प्रतिवद्धता व्यक्त गरिन् ।