वर्षा सुरु भए पछि सल्ली चौहरजारी सडक पुर्ण रुपमा बन्द
दुर्गा वि.सी.
सल्यान. बन्गाड कुपिण्डे नगरपालीकाको वर्षाका कारण ग्रामिण सडकहरुमा सञ्चालन हुने गाडिहरु बन्द भएका छन् । वर्षा सुरु भए लगतै सल्लीवजार रुकुम चौहरजारी,घाँझरपील मैदुपोखरी,बामे,खैरागाड चाँदे,बालुवासँग्रहि सल्यान खलंगा सदरमुकाम सम्म जोड्ने सडकहरु विग्रीए पछि गाडि सञ्चालनमा समस्या भएको छ । ग्रामिण सडक खण्डहरु ग्रावेल नभएका कारण हिलाम्मे सडकमा ट्याक्टर,जिपहरु फस्न थाले पछि समस्या उत्पन्न भएको छ ।
ग्रामिण सडकको त कुरै छाडौं वर्षाका कारण मुख्य चौहरजारी सडक खण्डमा समेत सञ्चालन हुने यातायातका साधन प्रभावित भएको स्थानीय कृष्ण रावतले वताए । रात्रीकालीन वस देखि सवै यातायातका साधन हिलोमा जाम पर्न थाले पछि गाडि सञ्चालनमा कठिनाई भएको छ । बामे सडक खण्ड र मैदुपोखरी सडकमा चल्ने साना जिपहरु पानी नपरे पछि छिटफुट रुपमा चले पनि सल्ली चौहरजारी सडक खण्डमा ट्याक्टर वाहेक अन्य कुनै पनि यातायातका साधन चल्न नसक्ने अवस्था छ ।
सल्ली चौहरजारी सडक खण्डमा घण्टौ गाडि हिलोमा फस्न थाले पछि नाईट तथा डे सेवाका सम्पुर्ण यातायातका साधन पुर्ण रुपमा वन्द भएका छन् । उक्त सडकमा छोटो दुरीका विद्यालय वस समेत सञ्चालनमा कठिनाई भएको छ । जस्ले गर्दा स्कुले विद्यार्थी, स्थानीय र विरामीलाई समेत आवत जावतमा कठिनाई परेको उधोग बाणिज्य संघ सल्यानका उपाध्यक्ष तथा उज्वल स्टार वोर्डिङ्ग स्कुल सल्लीवजारका भोपाल साहुले वताए । वर्षौ विती सक्यो समयमा बाटो राम्रो नवन्दा सल्यान,रुकुम,जाजरकोट र डोल्पाका स्थानीयहरु यहि बाटो भएर आवत जावत गर्नमा कठिनाई भएको साहुको दुखेसो छ । बन्गाड खोलामा निमार्णधिन पक्की पुल समेत अलपत्र छ ।
खोलामा पानीको सतह वढेसँगै सडकको सल्लीवजार देखि कुमाखमालीका गाउँपालीकाको स्वीकोट नेटावजार सम्मको बाटो अत्यन्तै जोखिम भएकोले गाडि सञ्चालनमा कठिनाई उत्पन्न भएको छ । अर्को तर्फ छिन्चु जाजरकोट सडक खण्डको सल्लीवजार र देवस्थल विचमा पर्ने बन्गाड खोलामा पुल नहुदाँ खोला वढेसँगै यातायात आवत जावतमा समस्या हुने गरेको छ । खोला वढे पछि जाजरकोट पुग्ने यातायातका साधन सल्लीमै अलपत्र पर्ने गरेका छन् ।
प्रतिक्रिया