राष्ट्रिय र क्षेत्रिय खेलकुदमा प्रथम हुने खेलाडीलाई सम्मान

दैलेख, असोज २१– सातौं राष्ट्रपती रनिङशिल्ड प्रतियोगिताको राष्ट्रिय तथा क्षेत्रिय प्रतियोगितामा प्रथम हुने खेलाडीहरुलाई दैलेखमा नगद पुरस्कार सहित सम्मान गरिएको छ । क्षेत्रिय प्रतियोगिता दाङ र राष्ट्रिय प्रतियोगिता पोखरामा प्रथम हुने दैलेखका खेलाडीहरुलाई भब्य समाहरोहविच सम्मान गरिएको हो ।

सम्मान हुने खेलाडीहरुमा एथलेटिक्स ४ सय मिटरमा कल्पना शाहीले राष्ट्रिय प्रतियोगितमा प्रथम भएकी हुन् । उनले राष्ट्रिय ८ सय मिटरमा तेस्रो भएकी थिईन् । त्यस्तै तेक्वान्दो खेलतर्फ ४५ केजीमा क्षेत्रिय प्रतियोगितामा मञ्जु विसी प्रथम भईन् । दुवै खेलाडीलाई प्रमुख जिल्ला अधिकारी पिताम्वर घिमिरे, जिल्ला खेलकुद विकास समितिका अध्यक्ष तिर्थनारायण श्रेष्ठले संयूक्त रुपमा सम्मान गरेका हुन् ।
दैलेख सदरमुकामस्थित टुडिखेलमा क्षेत्रिय तथा राष्ट्रिय खेलकुद प्रतियोगिताका लागि जिल्ला स्तरिय छनौट प्रतियोगताको उद्घाटन कार्यक्रममा उनीहरुलाई नगद सहित सम्मान गरिएको हो । उनीहरुलाई सम्मान पत्रका साथ राष्ट्रिय प्रथमलाई ५ हजार क्षेत्रिय प्रथमलाई २ हजार नगद दिईएको थियो ।